Namangan viloyat bojxona boshqarmasi, DXX hamda IIB xodimlari tomonidan o‘tkazilgan tezkor tadbir davomida viloyat hududiga noqonuniy olib kirilgan katta miqdordagi tamaki mahsulotlari aniqlandi. Bu haqda “Daryo” muxbiri xabar bermoqda.
Namangan shahrining Davlatobod tumani “Orzu” mahallasidagi xonadonlardan birida o‘tkazilgan tekshiruv davomida xonadon yerto‘lasi va avtomobil salonida xorijda ishlab chiqarilgan, aylanma yo‘llar orqali olib kirilgan va tegishli hujjatlari bo‘lmagan 28 980 quti tamaki mahsulotlari borligi maʼlum bo‘ldi.
Tergovga qadar tekshiruv davomida xonadon sohibasi o‘ziga avvaldan tanish bo‘lgan chegaradosh tumanda yashovchi 32 yashar yigitdan ushbu mahsulotlarni qabul qilib olgani va keyinchalik muomalaga kiritish maqsadida yerto‘la hamda avtomobil saloniga joylashtirgani aniqlandi. Baholash idorasi mutaxassislarining xulosasiga ko‘ra, 4 turdagi tamaki mahsulotlarining bozor bahosi qariyb 250 million so‘mni tashkil etadi.
Hozirda mazkur holat yuzasidan jinoyat ishi qo‘zg‘atilgan va surishtiruv ishlari olib borilmoqda.
Izoh (0)