O‘zbekiston va Polsha “aql markazlari” o‘rtasida hamkorlik o‘rnatiladi

O‘zbekiston elchisi Bahrom Babayev Polshaning Xalqaro munosabatlar markazi (CSM) direktori Malgojata Bonikovska bilan uchrashuv o‘tkazdi.

Uchrashuvda O‘zbekistonni Polshada sayyohlik yo‘nalishi sifatida tanitish va polyak turistlari oqimini yanada ko‘paytirish masalalari  xususida fikr  almashildi.

Shuningdek, O‘zbekiston prezidenti huzuridagi Strategik va mintaqalararo tadqiqot instituti, Markaziy Osiy xalqaro instituti va boshqa tahlil markazlari bilan hamkorlik o‘rnatish  muhimligi  ta’kidlandi.

Uchrashuv natijasida  joriy yil davomida Varshava va Vistula universitetlarida “O‘zbekiston madaniyati kunlari”ni o‘tkazish, Xalqaro munosabatlar markazi va nufuzli OAVda Yangi O‘zbekistonda kechayotgan o‘zgarishlarga  bag‘ishlangan  materiallarni  e’lon qilish to‘g‘risida kelishuvga  erishildi.