Iroqdagi “Rosafa” qamoqxonasidan 44 nafar o‘zbekistonlik mahkuma ayol Shavkat Mirziyoyevga murojaat qilgani aks etgan video tarqaldi. Bosh prokuratura mazkur videomurojaatga izoh berdi.
Olingan maʼlumotlarga ko‘ra, “Rosafa” qamoqxonasida saqlanayotgan o‘zbekistonlik mahkuma ayollar ISHID terroristik tashkilotining aʼzolari hisoblanib, Suriya va Iroq davlati hududida ushbu terroristik tashkilot safida faoliyat yuritib kelgan. Ular 2017-yilda Iroq hukumati tomonidan qo‘lga olinib, 4 nafari umrbod va qolganlari 15 yildan 20 yilgacha ozodlikdan mahrum qilingan.
Ushbu qamoqxonadagi sharoitlar qoniqarli bo‘lmagani sababli 2019-yil Iroq hukumati bilan kelishuvga asosan ayollarning 64 nafar farzandlari O‘zbekistonga olib kelinib, qarindoshlari qaramog‘iga va mehribonlik uylariga topshirilgan. Mazkur mahkuma ayollarning jazo muddatlari nihoyasiga yetgach, xalqaro huquq normalariga asosan ularni O‘zbekistonga qaytarish choralari ko‘riladi.
Izoh (0)