O‘zbekiston Germaniya “Helios Klinikum Northheim” klinikalari bilan xirurgiya va onkologiya sohasida hamkorlikni yo‘lga qo‘ydi. Bu haqda SSV axborot xizmati xabar berdi.
Xabarga ko‘ra, Sog‘liqni saqlash vaziri Amrillo Inoyatov Germaniyaning nufuzli “Helios Klinikum Northheim” jarrohlik klinikalari tibbiy direktori va bosh vrachi doktor Aksel Rixter bilan uchrashuv o‘tkazdi. Muloqotda keyingi yillarda ikki tomonlama hamkorlik aloqalari qator sohalar, xususan, tibbiyot yo‘nalishida ham jadal rivojlanib borayotgani qayd etildi.
Qayd etilishicha, , Yevropaning yuqumli kasalliklarni o‘rganish sohasidagi nufuzli ilmiy-tadqiqot muassasasi — Robert Kox instituti va mashhur “Sharite” klinikasi mutaxassislari bilan yaqindan hamkorlik o‘rnatilishi mamlakat tibbiyotida davolash-diagnostik texnologiyalarni amaliyotda qo‘llash, jarrohlik sohasidagi tajriba va usullarni o‘zlashtirish borasida muhim omil bo‘ldi.
Muloqot so‘ngida vazir va A.Rixter qator yo‘nalishlar, jumladan, xirurgiya va onkologiya sohalari bo‘yicha kadrlar almashish, ular malakasini oshirish yuzasidan o‘zaro hamkorlik qilishga kelishib oldi.
Izoh (0)