Buxoro viloyatida o‘z uyida, dala shiyponida fohishaxonalar tashkil qilgan fuqarolar qo‘lga olindi. Bu haqda viloyat IIB axborot xizmati xabar berdi.
Xabarga ko‘ra, Buxoro viloyati hududida fohishaxona saqlash bilan bog‘liq jinoiy holatlarni oldini olish va unga qarshi kurashish borasida o‘tkazilgan tezkor tadbirlar davomida bir nechta holatda fohishaxona tashkil qilish bilan bog‘liq jinoiy holatlarga chek qo‘yildi.
Jumladan, ilgari ham xuddi shu turdagi jinoyatlarni sodir qilgani uchun javobgarlikka tortilgan fuqaro ikki erkakning A.D. ismli ayol bilan jinsiy aloqa qilishi uchun o‘zi yashaydigan Buxoro shahar S.Ayniy ko‘chasidagi uyida alohida xona ajratib bergan. U xizmati evaziga mijozlardan 300 000 so‘m naqd pul olgan vaqtda ushlangan.
Ikkinchi holatda esa N.M. ismli ayol ikki erkakning jinsiy aloqa qilishi uchun Q.Z. va M.G. ismli qizlarni topib berib, ularning jinsiy aloqa qilishi uchun o‘zi yashayotgan Buxoro shahar A.Somiy ko‘chasidagi xonadonida alohida joy ajratib berib, evaziga mijozlardan 900 000 so‘m naqd pul olib, qo‘shmachilik jinoyatini sodir qilgan.
Navbatdagi tezkor tadbir davomida, Peshku tumani IIB xodimlari tomonidan tumanning “Valfajir” mahallasida yashovchi, 1994-yilda tug‘ilgan fermer xo‘jaligi ishchisi qo‘lga olingan. Sh.A. o‘zi ishlab kelayotgan fermer xo‘jaligi dala shiyponida fohishaxona tashkil etib, bir erkak va ayolning jinsiy aloqa qilishlari uchun joy ajratib berib, evaziga 150 000 so‘m pullarni olgani aniqlangan.
Mazkur holatlar yuzasidan Jinoyat kodeksining 131-moddasi bilan jinoyat ishlari qo‘zg‘atilib, dastlabki tergov harakatlari olib borilmoqda.
Bu kabi holatlar Buxoro viloyatida bir necha bor aniqlangan. Xususan, Buxoro tumanida xonadonida 100 ming so‘mga fohishaxona tashkil qilgan 64 yoshli erkak ushlangan. Bundan tashqari, Buxoro shahri Alpomish ko’chasida yashovchi, 1980-yilda tug‘ilgan erkak yashash xonadonida fuqarolaring jinsiy aloqa qilishi uchun 60 000 so‘m evaziga yetarli shart-sharoit yaratib berib, fohishaxona tashkil qilgani aniqlangan.
Izoh (0)