Toshkent viloyati IIBB Tezkor-qidiruv xizmati va DXX xodimlari tomonidan qarz evaziga berilgan pullardan foiz sifatida 1000 AQSH dollarini tovlamachilik yo‘li bilan talab qilgan jinoiy guruh qo‘lga olindi. Bu haqda IIV matbuot xizmati xabar qildi.
Ma’lum bo‘lishicha, Oqqo‘rg‘on tumanida yashovchi fuqaro 2022-yil mart oyida oldindan tanishi bo‘lgan, Imperator laqabi bilan tanilgan fuqarodan 2023-yil aprel oyida qaytarish sharti 3800 AQSH dollar qarz olgan.
U olgan pulidan 3600 AQSH dollarni qaytarib, qolgan 200 AQSH dollarini qaytarayotganida, unga muddatini o‘tkazib yuborganini sabab qilib, “ko‘cha yechimi bilan hal etish” bilan qo‘rqitgan va bu pulga yana 1000 dollar qo‘shib berishni talab qilgan.
Chorasiz qolgan qarzdor Ichki ishlar organlariga murojaat qilib, ushbu shaxslarga nisbatan qonuniy chora ko‘rishni so‘ragan.
17-aprel kuni Toshkent viloyati IIBB TQX va DXX xodimlari bilan hamkorlikda o‘tkazilgan tezkor-qidiruv tadbirlari natijasida muqaddam 6 marotaba sudlangan jinoiy guruh yetakchisi va uning 6 nafar a’zolari pullarni olayotgan vaqtda qo‘lga olingan.
Izoh (0)