Бухоро вилоятида ўз уйида, дала шийпонида фоҳишахоналар ташкил қилган фуқаролар қўлга олинди. Бу ҳақда вилоят ИИБ ахборот хизмати хабар берди.
Хабарга кўра, Бухоро вилояти ҳудудида фоҳишахона сақлаш билан боғлиқ жиноий ҳолатларни олдини олиш ва унга қарши курашиш борасида ўтказилган тезкор тадбирлар давомида бир нечта ҳолатда фоҳишахона ташкил қилиш билан боғлиқ жиноий ҳолатларга чек қўйилди.
Жумладан, илгари ҳам худди шу турдаги жиноятларни содир қилгани учун жавобгарликка тортилган фуқаро икки эркакнинг А.Д. исмли аёл билан жинсий алоқа қилиши учун ўзи яшайдиган Бухоро шаҳар С.Айний кўчасидаги уйида алоҳида хона ажратиб берган. У хизмати эвазига мижозлардан 300 000 сўм нақд пул олган вақтда ушланган.
Иккинчи ҳолатда эса Н.М. исмли аёл икки эркакнинг жинсий алоқа қилиши учун Қ.З. ва М.Г. исмли қизларни топиб бериб, уларнинг жинсий алоқа қилиши учун ўзи яшаётган Бухоро шаҳар А.Сомий кўчасидаги хонадонида алоҳида жой ажратиб бериб, эвазига мижозлардан 900 000 сўм нақд пул олиб, қўшмачилик жиноятини содир қилган.
Навбатдаги тезкор тадбир давомида, Пешку тумани ИИБ ходимлари томонидан туманнинг “Валфажир” маҳалласида яшовчи, 1994 йилда туғилган фермер хўжалиги ишчиси қўлга олинган. Ш.А. ўзи ишлаб келаётган фермер хўжалиги дала шийпонида фоҳишахона ташкил этиб, бир эркак ва аёлнинг жинсий алоқа қилишлари учун жой ажратиб бериб, эвазига 150 000 сўм пулларни олгани аниқланган.
Мазкур ҳолатлар юзасидан Жиноят кодексининг 131-моддаси билан жиноят ишлари қўзғатилиб, дастлабки тергов ҳаракатлари олиб борилмоқда.
Бу каби ҳолатлар Бухоро вилоятида бир неча бор аниқланган. Хусусан, Бухоро туманида хонадонида 100 минг сўмга фоҳишахона ташкил қилган 64 ёшли эркак ушланган. Бундан ташқари, Бухоро шаҳри Алпомиш кўчасида яшовчи, 1980 йилда туғилган эркак яшаш хонадонида фуқароларинг жинсий алоқа қилиши учун 60 000 сўм эвазига етарли шарт-шароит яратиб бериб, фоҳишахона ташкил қилгани аниқланган.
Изоҳ (0)