Sanitariya-epidemiologik osoyishtalik va jamoat salomatligi qo‘mitasi O‘zbekistonda bezgak eliminatsiyasi bilan bog‘liq vaziyat nazoratda ekanini ma’lum qildi.
Qayd etilishicha, mamlakat miqyosida muhofazalash va epidemiyaga qarshi tadbirlar majmuasining o‘z vaqtida o‘tkazilishi tufayli bezgakning keng tarqalib ketishiga yo‘l qo‘yilmaydi.
Qo‘mitaning Sariosiyo tumani bo‘limi xodimlari tomonidan aholi o‘rtasida targ‘ibot ishlari o‘tkazildi. Tadbir davomida uyma-uy yurilib, kasallikning oldini olishda ahamiyat qaratish lozim bo‘lgan jihatlarga to‘xtalib o‘tildi.
Deraza oynalariga doka to‘r va setka tutilishi, pashshaxonalardan foydalanish, shuningdek, sanitariya-gigiyenik talablarga rioya etilishi kerakligi, bezgak kasalligi epidemik vaziyat noxush hududlardan kelgan fuqarolar kasallikka qon topshirish kerakligi ta’kidlandi.
Qo‘mitaning Toshkent viloyati boshqarmasi va hududiy bo‘limlari mutaxassislari tomonidan Olmaliq shahrida bezgakka qarshi kurashish kuni munosabati bilan o‘quv amaliy seminari tashkil etildi. Unda Toshkent viloyati Sanepid boshqarmasi mutaxassisi Zarxal Shamiyeva bezgak kasalligi, uning kelib chiqishi sabablari haqida ishtirokchilarga ma’lumotlar berib o‘tdi.
Izoh (0)