“San’atning narxi ming so‘mga tushdi”. Alisher Uzoqovni xavotirga solayotgan holat, Ruxshonadan ogohlantirish. Instagram yangiliklari

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.

Xonanda Lola Parij shahridan muxlislariga salom yo‘lladi. 

Shahzoda Muhammedova qizalog‘i Milana bilan fotosessiya o‘tkazdi. 

Iroda Iskandarova “Bollivud battl” ko‘rsatuvidagi obrazida ko‘rinish berdi. 

Instabloger Kamola Oripova sahifasiga qiziqarli video joylashtirdi. Videoda Kamolaning qizi Nuraniya o‘z dadasini uning egizagidan ajratolmay qolganini ko‘rish mumkin.



Xonandalar juftligi Shirin va Nodir Zoitovlar tog‘ yon bag‘rida oilaviy dam olayotgani aks etgan suratlar bilan bo‘lishdi. 

Hosila Rahimova sahifasiga tug‘ilgan kunini qanday nishonlagani aks etgan videoni joyladi.



Aktyor Umid Iskandarov O‘zbekiston xalq artisti Yodgor Sa’diyev bilan Farg‘onada ijodiy safarda bo‘ldi. 

Xonanda Ruxshona derazasi tagiga kuydirib o‘ldirilgan hamda tanasiga ignalar sanchilgan qush tashlab ketilganidan shikoyat qildi. Shuningdek, xonandaning aytishicha, bunday holat birinchi marta yuz berayotgani yo‘q. “Kim bu ishni qilayotganini yaxshi bilaman. Sizlar ham uni taniysizlar. U uyim yo‘lagiga narsa sepib ketayotganida, duolar o‘qiyotganida kuzatuv kameralariga tushib qolgan. Agarda qilgan ishlari uchun tavba qilib, mendan kechirim so‘ramasa, qo‘limdagi videolarni internetga tarqataman”, — deydi xonanda.

 

Aktrisa Durdona Qurbonova muxlislariga yangi surat bilan ko‘rinish berdi. 

Ijtimoiy tarmoqlarda “ming so‘m bering, akajonlar” degan gapi bilan tanilgan bolakay 24-aprel kuni qiziqchi Nodirbek Hayitovning “Xalqlar do‘stligi” san’at saroyida bergan konsertida chiqish qildi. U sahnada trendga aylangan gapining qo‘shiq holiga keltirilgan variantini ijro etdi. 



Ushbu holat san’at vakillarining keskin tanqidlariga sabab bo‘ldi. Xususan, aktyor Alisher Uzoqov tilanchi bolaning san’at saroyi sahnasiga olib chiqilishini “o‘zbek san‘atining tubi” deb atadi. “Bu narsa bugun bo‘lgani yo‘q. Yillar mobaynida yig‘ilib keldi, nazorat bo‘lmadi, hech kim qaramadi. Endi ‘Xalqlar do‘stligi’ning nomini o‘zgartiraylik. ‘Samarqand darvoza’ yoki ‘Ochiq eshiklar’ deb ataylik. Xohlagan odam sahnaga chiqib, xohlaganini aytsin. San’at oliygohlariga kirib, o‘zbek san’atiga o‘zimning hissamni qo‘shaman degan iste’dodlar qiynalib yuribdi. Gap yo‘q, bundan ham pastroq daraja bormikan, degan savol meni qiziqtiryapti”, — deydi Alisher Uzoqov. 

Shuningdek, aktyor Stories’da “San’atning narxi 1000 so‘mga tushganini” yozib qoldirdi.