“Санъатнинг нархи минг сўмга тушди”. Алишер Узоқовни хавотирга солаётган ҳолат, Рухшонадан огоҳлантириш. Instagram янгиликлари

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.

Хонанда Лола Париж шаҳридан мухлисларига салом йўллади. 

Шаҳзода Муҳаммедова қизалоғи Милана билан фотосессия ўтказди. 

Ирода Искандарова “Болливуд баттл” кўрсатувидаги образида кўриниш берди. 

Инстаблогер Камола Орипова саҳифасига қизиқарли видео жойлаштирди. Видеода Камоланинг қизи Нурания ўз дадасини унинг эгизагидан ажратолмай қолганини кўриш мумкин.



Хонандалар жуфтлиги Ширин ва Нодир Зоитовлар тоғ ён бағрида оилавий дам олаётгани акс этган суратлар билан бўлишди. 

Ҳосила Раҳимова саҳифасига туғилган кунини қандай нишонлагани акс этган видеони жойлади.



Актёр Умид Искандаров Ўзбекистон халқ артисти Ёдгор Саъдиев билан Фарғонада ижодий сафарда бўлди. 

Хонанда Рухшона деразаси тагига куйдириб ўлдирилган ҳамда танасига игналар санчилган қуш ташлаб кетилганидан шикоят қилди. Шунингдек, хонанданинг айтишича, бундай ҳолат биринчи марта юз бераётгани йўқ. “Ким бу ишни қилаётганини яхши биламан. Сизлар ҳам уни танийсизлар. У уйим йўлагига нарса сепиб кетаётганида, дуолар ўқиётганида кузатув камераларига тушиб қолган. Агарда қилган ишлари учун тавба қилиб, мендан кечирим сўрамаса, қўлимдаги видеоларни интернетга тарқатаман”, — дейди хонанда.

 

Актриса Дурдона Қурбонова мухлисларига янги сурат билан кўриниш берди. 

Ижтимоий тармоқларда “минг сўм беринг, акажонлар” деган гапи билан танилган болакай 24 апрель куни қизиқчи Нодирбек Ҳайитовнинг “Халқлар дўстлиги” санъат саройида берган концертида чиқиш қилди. У саҳнада трендга айланган гапининг қўшиқ ҳолига келтирилган вариантини ижро этди. 



Ушбу ҳолат санъат вакилларининг кескин танқидларига сабаб бўлди. Хусусан, актёр Алишер Узоқов тиланчи боланинг санъат саройи саҳнасига олиб чиқилишини “ўзбек санъатининг туби” деб атади. “Бу нарса бугун бўлгани йўқ. Йиллар мобайнида йиғилиб келди, назорат бўлмади, ҳеч ким қарамади. Энди ‘Халқлар дўстлиги’нинг номини ўзгартирайлик. ‘Самарқанд дарвоза’ ёки ‘Очиқ эшиклар’ деб атайлик. Хоҳлаган одам саҳнага чиқиб, хоҳлаганини айтсин. Санъат олийгоҳларига кириб, ўзбек санъатига ўзимнинг ҳиссамни қўшаман деган истеъдодлар қийналиб юрибди. Гап йўқ, бундан ҳам пастроқ даража бормикан, деган савол мени қизиқтиряпти”, — дейди Алишер Узоқов. 

Шунингдек, актёр Stories’да “Санъатнинг нархи 1000 сўмга тушганини” ёзиб қолдирди.