Ramazon hayiti munosabati bilan O‘zbekiston Respublikasi prezidenti Shavkat Mirziyoyev nomiga xorijiy davlatlar yetakchilari, chet eldagi taniqli jamoat va din arboblari, nufuzli xalqaro va mintaqaviy tashkilotlar rahbarlaridan tabriknomalar kelmoqda.
Prezident matbuot xizmatining xabar berishicha, xorijiy hamkorlar o‘z tabriklarida prezident va ko‘p millatli o‘zbek xalqiga chuqur hurmati va ezgu tilaklarini izhor etib, ko‘p qirrali hamkorlikni yanada kengaytirishga tayyorligini bildirmoqda, tinchlik-osoyishtalik, farovonlik va ravnaq tilamoqda.
Xususan, quyidagilar o‘z tabriklarini yo‘llagan:
- Saudiya Arabistoni podshohi Salmon ibn Abdulaziz Ol Saud;
- Misr arab respublikasi prezidenti Abdulfattoh as-Sisi;
- Qozog‘iston respublikasi prezidenti Qosim-Jo‘mart To‘qayev;
- Qirg‘iziston prezidenti Sadir Japarov;
- Tojikiston prezidenti Emomali Rahmon;
- Turkmaniston prezidenti Serdar Berdimuhamedov;
- Ozarbayjon prezidenti Ilhom Aliyev;
- Eron Islom respublikasi prezidenti Ibrohim Raisiy;
- Hindiston bosh vaziri Narendra Modi;
- Birlashgan arab respublikasi prezidenti Shayx Muhammad bin Zoid Ol Nahayon;
- Indoneziya prezidenti Joko Vidodo;
- Singapur prezidenti Halima Yaqub;
- Kuvayt Davlati Amiri Navaf al-Ahmad al-Jobir as-Saboh;
- Bahrayn podshohi Shayx Hamad bin Iso Al Xalifa;
- Iordaniya Hoshimiylar Podshohligi podshohi Abdulla II;
- Suriya prezidenti Bashar Asad;
- Falastin prezidenti Mahmud Abbos;
- Saudiya Arabistoni valiahdi, Vazirlar Mahkamasi raisi Muhammad ibn Salmon ibn Abdulaziz Ol Saud;
- BAA vitse-prezidenti, bosh vaziri, Dubay amirligi hokimi Shayx Muhammad bin Roshid Ol Maktum;
- BAA vitse-prezidenti, bosh vaziri o‘rinbosari, prezident ishlari bo‘yicha vaziri Shayx Mansur bin Zoid ol Nahayon;
- Kuvayt davlati valiahdi Mishaal al-Ahmad al-Jobir as-Saboh;
- Singapur bosh vaziri Li Syan Lun;
- BAA bosh vaziri o‘rinbosari, ichki ishlar vaziri Shayx Sayf bin Zoid Ol Nahayon;
- Turkiy davlatlar tashkiloti bosh kotibi Kubanichbek Omuraliyev;
- Iqtisodiy hamkorlik tashkiloti bosh kotibi Husrav Noziriy;
- Islom hamkorlik tashkiloti bosh kotibi Husayn Ibrohim Toha.
Qutlovlar kelishda davom etmoqda.
Avvalroq Shavkat Mirziyoyev O‘zbekiston xalqini Ramazon hayiti bilan tabriklagandi. Shuningdek, Nursulton Nazarboyevni Ramazon hayiti bilan qutlagandi.
Izoh (0)