Рамазон ҳайити муносабати билан Ўзбекистон Республикаси президенти Шавкат Мирзиёев номига хорижий давлатлар етакчилари, чет элдаги таниқли жамоат ва дин арбоблари, нуфузли халқаро ва минтақавий ташкилотлар раҳбарларидан табрикномалар келмоқда.
Президент матбуот хизматининг хабар беришича, хорижий ҳамкорлар ўз табрикларида президент ва кўп миллатли ўзбек халқига чуқур ҳурмати ва эзгу тилакларини изҳор этиб, кўп қиррали ҳамкорликни янада кенгайтиришга тайёрлигини билдирмоқда, тинчлик-осойишталик, фаровонлик ва равнақ тиламоқда.
Хусусан, қуйидагилар ўз табрикларини йўллаган:
- Саудия Арабистони подшоҳи Салмон ибн Абдулазиз Ол Сауд;
- Миср араб республикаси президенти Абдулфаттоҳ ас-Сиси;
- Қозоғистон республикаси президенти Қосим-Жўмарт Тўқаев;
- Қирғизистон президенти Садир Жапаров;
- Тожикистон президенти Эмомали Раҳмон;
- Туркманистон президенти Сердар Бердимуҳамедов;
- Озарбайжон президенти Илҳом Алиев;
- Эрон Ислом республикаси президенти Иброҳим Раисий;
- Ҳиндистон бош вазири Нарендра Моди;
- Бирлашган араб республикаси президенти Шайх Муҳаммад бин Зоид Ол Наҳаён;
- Индонезия президенти Жоко Видодо;
- Сингапур президенти Ҳалима Яқуб;
- Кувайт Давлати Amiri Наваф ал-Аҳмад ал-Жобир ас-Сабоҳ;
- Баҳрайн подшоҳи Шайх Ҳамад бин Исо Ал Халифа;
- Иордания Ҳошимийлар Подшоҳлиги подшоҳи Абдулла II;
- Сурия президенти Башар Асад;
- Фаластин президенти Маҳмуд Аббос;
- Саудия Арабистони валиаҳди, Вазирлар Маҳкамаси раиси Муҳаммад ибн Салмон ибн Абдулазиз Ол Сауд;
- БАА вице-президенти, бош вазири, Дубай амирлиги ҳокими Шайх Муҳаммад бин Рошид Ол Мактум;
- БАА вице-президенти, бош вазири ўринбосари, президент ишлари бўйича вазири Шайх Мансур бин Зоид ол Наҳаён;
- Кувайт давлати валиаҳди Мишаал ал-Аҳмад ал-Жобир ас-Сабоҳ;
- Сингапур бош вазири Ли Сян Лун;
- БАА бош вазири ўринбосари, ички ишлар вазири Шайх Сайф бин Зоид Ол Наҳаён;
- Туркий давлатлар ташкилоти бош котиби Кубаничбек Омуралиев;
- Иқтисодий ҳамкорлик ташкилоти бош котиби Ҳусрав Нозирий;
- Ислом ҳамкорлик ташкилоти бош котиби Ҳусайн Иброҳим Тоҳа.
Қутловлар келишда давом этмоқда.
Аввалроқ Шавкат Мирзиёев Ўзбекистон халқини Рамазон ҳайити билан табриклаганди. Шунингдек, Нурсултон Назарбоевни Рамазон ҳайити билан қутлаганди.
Изоҳ (0)