Qozog‘iston ligasi. Igor Sergeyevning dubli “Tobol”ni mag‘lubiyatdan qutqarib qoldi, “Ordabasi”da ham durang

Futbol bo‘yicha Qozog‘iston chempionatining 7-turida “Tobol” 23-aprel, yakshanba kuni “Aktobe”ni qabul qildi.

Uchrashuvning 28-daqiqasida mehmonlar oldinga o‘tib oldi, 69-daqiqada hisobdagi farq yana oshdi. Ikkinchi bo‘limda zaxiradan maydonga tushgan Igor Sergeyev 74 va 85-daqiqalarda raqib darvozasini ishg‘ol qilib, jamoasini mag‘lubiyatdan qutqarib qoldi.

Shu tariqa o‘zbekistonlik futbolchi chempionat joriy mavsumidagi gollari sonini 4 taga yetkazib olgan holda to‘purarlar ro‘yxatida ikkinchi o‘rinda bormoqda.

Yana bir o‘yin “Qayrat” va “Ordabasi” jamoalari o‘rtasida kechdi. Bu uchrashuvda ham jangovar durang qayd etildi.

“Ordabasi” safida Shahboz Umarov asosiy tarkibda tushgan bo‘lsa, 67-daqiqa u o‘z o‘rnini Bobur Abduxoliqovga bo‘shatib berdi.

Qozog‘iston ligasi

7-tur bahslari

23-aprel, yakshanba

“Tobol” – “Aktobe” 2:2

Gollar: 0:1 – 28 Kesenov, 0:2 – 69 Gadrani, 1:2 – 74 Sergeyev, 2:2 – 85 Sergeyev.

“Qayrat” – “Ordabasi” 2:2

Gollar: 1:0 – 36 Joau Paulo, 1:1 – 58 Suyumbayev, 1:2 – 68 Tagibergen, 2:2 – 76 Joau Paulo.