Қозоғистон лигаси. Игор Сергеевнинг дубли “Тобол”ни мағлубиятдан қутқариб қолди, “Ордабаси”да ҳам дуранг

Футбол бўйича Қозоғистон чемпионатининг 7-турида “Тобол” 23 апрель, якшанба куни “Актобе”ни қабул қилди.

Учрашувнинг 28-дақиқасида меҳмонлар олдинга ўтиб олди, 69-дақиқада ҳисобдаги фарқ яна ошди. Иккинчи бўлимда захирадан майдонга тушган Игор Сергеев 74 ва 85-дақиқаларда рақиб дарвозасини ишғол қилиб, жамоасини мағлубиятдан қутқариб қолди.

Шу тариқа ўзбекистонлик футболчи чемпионат жорий мавсумидаги голлари сонини 4 тага етказиб олган ҳолда тўпурарлар рўйхатида иккинчи ўринда бормоқда.

Яна бир ўйин “Қайрат” ва “Ордабаси” жамоалари ўртасида кечди. Бу учрашувда ҳам жанговар дуранг қайд этилди.

“Ордабаси” сафида Шаҳбоз Умаров асосий таркибда тушган бўлса, 67-дақиқа у ўз ўрнини Бобур Абдухолиқовга бўшатиб берди.

Қозоғистон лигаси

7-тур баҳслари

23 апрель, якшанба

“Тобол” – “Актобе” 2:2

Голлар: 0:1 – 28 Кесенов, 0:2 – 69 Гадрани, 1:2 – 74 Сергеев, 2:2 – 85 Сергеев.

“Қайрат” – “Ордабаси” 2:2

Голлар: 1:0 – 36 Жоау Пауло, 1:1 – 58 Суюмбаев, 1:2 – 68 Тагиберген, 2:2 – 76 Жоау Пауло.