Futbol bo‘yicha Germaniya Bundesligasining 29-turidan o‘rin olgan qator o‘yinlar 22-aprel, shanba kuni bo‘lib o‘tdi.
“Bavariya” safarda “Mayns”ga qarshi bahs olib bordi. Uchrashuvning 29-daqiqasida Sadio Mane gol urib, myunxenliklarni hisobda oldinga olib chiqdi. 65-daqiqada Lyudovik Ajork muvozanatni tikladi. 73-daqiqada esa Leandro Barreyro mezbonlarning navbatdagi goliga mualliflik qildi. Oradan bir necha daqiqa o‘tib, Aaron Martin hisobni ishonchli ko‘rinishga olib keldi. Shu tariqa myunxenliklar navbatdagi mag‘lubiyatini qabul qilib oldi.
Tomas Tuxel shogirdlari 59 ochko bilan 2-o‘ringa tushib ketdi.
“Borussiya D” esa o‘zida “Ayntraxt”ni qabul qildi. Uchrashuv dortmundliklarning 4:0 hisobidagi g‘alabasi bilan yakunlandi. Mezbonlar safida Jud Bellinghem, Mats Hummels bittadan gol urgan bo‘lsa, Donyel Malen dublni rasmiylashtirdi.
“Borussiya D” ochkolari sonini 60 taga yetkazdi va musobaqa peshqadamiga aylanib oldi.
Bundesliga
29-tur bahslari
22-aprel, shanba
“Mayns” – “Bavariya” 3:1
Gollar: 0:1 – 29 Mane, 1:1 – 65 Ajork, 2:1 – 73 Barreyro, 3:1 – 79 Aaron Martin.
“Mayns”: Sentner, Vidmer, Bell, Xanche-Olsen, Fernandesh (Hak, 83), Kasi (Aaron Martin, 46), Kor (Shtax, 64), Li Chje Son (Barkok, 77), Barreyro, Onisivo, Ajork (Ingvartsen, 77).
“Bavariya”: Zommer, Joau Kanselu, Upamekano, de Ligt, Stanishich, Goretska, Kimmix (Gravenberx, 75), Myuller (Tel, 75), Mane (Sane, 80), Musiala (Gnabri, 80), Devis (Mazraui, 9).
Ogohlantirishlar: Aaron Martin (57), Kor (60).
“Borussiya D” – “Ayntraxt” 4:0
Gollar: 1:0 – 19 Bellinghem, 2:0 – 24 Malen, 3:0 – 41 Hummels, 4:0 – 66 Malen.
“Borussiya D”: Kobel, Ryuerson, Hummels, Shlotterbek (Zyule, 25), Gerreyru (Volf, 70), Jan, Brandt (Roys, 70), Bellinghem (Ozjan, 77), Aller (Mukoko, 77), Malen, Adeyemi.
“Ayntraxt”: Trapp, Buta, Lens, Tuta, Xasebe (Gebur, 70), Getse, Rode (Borre, 52), Sou, Ebimbe (Alidu, 84), Kolo-Muani (Aaronson, 70), Knauff (Kamada, 46).
Ogohlantirishlar: Lens (13), Kolo-Muani (23), Rode (49), Bellinghem (54), Adeyemi (82).
Izoh (0)