O‘zbekiston Finlyandiya bilan birgalikda korrupsiyaga qarshi kurashishda qo‘shma loyihalarni amalga oshirishi kutilmoqda. Bu haqda Korrupsiya qarshi kurashish agentligi axborot xizmati xabar berdi.
Xabarga ko‘ra, Korrupsiyaga qarshi kurashish agentligi direktori boshchiligidagi O‘zbekiston delegatsiyasining Yevropaga ishchi tashrifi 19—20-aprel kunlari Finlyandiyada davom etdi. Tashrifning ilk kuni Finlyandiya Tashqi ishlar vazirligining Rossiya, Sharqiy Yevropa va Markaziy Osiyo boshqarmasi bosh direktori Mariya Livala bilan uchrashuv bo‘lib o‘tdi.
Muzokaralar davomida ikki mamlakat masʼul idoralari o‘rtasida mazkur sohada yaqin hamkorlikni yo‘lga qo‘yish, shu jumladan, qo‘shma loyihalarni amalga oshirish imkoniyatlari muhokama qilindi. Muzokaralar yakunida, tomonlar “Qonun ustuvorligi” loyihasi doirasida korrupsiyaning oldini olish va unga qarshi kurashish bo‘yicha qo‘shma loyihalarni ishlab chiqish hamda masʼul idoralar bilan chora-tadbirlarni belgilab olishga kelishildi.
Izoh (0)