Фарғона вилояти Қўқон шаҳрида 22 апрель куни Gentra ва Mercedes-Benz иштирокида йўл-транспорт ҳодисаси содир бўлди. Вилоят Ички ишлар бошқармаси ахборот хизмати хабар берди.
Маълум бўлишича, ҳодиса “Туркистон” ва “Пўстиндўз” кўчалари кесишган чорраҳада содир бўлган. 1998 йилда туғилган ҳайдовчи Gentra'да ҳаракатланаётиб 1972 йилда туғилган ҳайдовчи бошқарувидаги Mercedes-Benz билан тўқнашган.
Ҳодиса оқибатида Mercedes-Benz автомоашинасида бўлган 2 нафар йўловчи оғир тан жароҳати олиб, вафот этган. Ҳайдовчилар А.Т. ва Б.Х. тан жароҳати билан шифохонага ётқизилган. Ҳолат юзасидан терговга қадар текширув ҳаракатлари олиб борилмоқда.
Изоҳ (0)