Favqulodda vaziyatlar vazirligi Toshkent shahrining Sergeli tumanida sodir bo‘lgan yong‘in to‘g‘risida maʼlumot berdi.
Qayd etilishicha, 20-aprel kuni soat 22:18 da Sergeli tumani Yangi sergeli ko‘chasida joylashgan sartaroshxona, vino-vodka do‘koni va yemakxonaning old tomon qismidagi yengil konstruksiyadan qurilgan qoplamasining 20 kvadrat metr maydoni yonib, zararlangan.
Voqea joyiga 4 ta yong‘in-qutqaruv ekipaji zudlik bilan yetib borib, yong‘in soat 22:30 da o‘rab olingan va soat 22:36 da o‘chirilgan.
Hodisa oqibatida tan jarohati olgan va halok bo‘lganlar yo‘q.
Bir necha kun oldin Toshkentdagi kafeda yong‘in sodir bo‘lgani, Qashqadaryoda buyum bozoridagi do‘konlarda yong‘in chiqqani to‘g‘risida xabar berilgandi. Mart oxirlarida Toshkentning Shayxontohur tumanida plastmassa mahsulotlarini saqlash omborida yong‘in yuz bergani ma’lum qilingandi. Shuningdek, Andijondagi ko‘p qavatli uyda yong‘in chiqqani, Xorazmdagi paxta zavodida yong‘in sodir bo‘lgani to‘g‘risida xabar berilgandi.
Izoh (0)