Xorazm viloyati Urganch tumanida 47 dona bug‘u va 3 dona jayron shoxlari ushlab qolindi. Bu haqda viloyat Bojxona boshqarmasi xabar berdi.
Urganch tumani buyum bozorining yuk avtomashinalari avtoturargohida fuqaro J.M. boshqaruvidagi Isuzu ko‘zdan kechirilganda, fuqarolar R.N, R.E, X.H, G‘.A hamda G‘.E.ga tegishli bo‘lgan 7 dona qopda hayvon shoxlari borligi aniqlandi.
Hozirda mazkur holat yuzasidan bojxona organlari tomonidan surishtiruv harakatlari olib borilmoqda. Ma’lumot o‘rnida, bug‘u va jayronlar noyob hayvonlar hisoblanadi. Ularning tana a’zolari Xalqaro tabiatni muhofaza qilish ittifoqining Qizil ro‘yxatiga kiritilgan.
Izoh (0)