Фавқулодда вазиятлар вазирлиги Тошкент шаҳрининг Сергели туманида содир бўлган ёнғин тўғрисида маълумот берди.
Қайд этилишича, 20 апрель куни соат 22:18 да Сергели тумани Янги сергели кўчасида жойлашган сартарошхона, вино-водка дўкони ва емакхонанинг олд томон қисмидаги енгил конструкциядан қурилган қопламасининг 20 квадрат метр майдони ёниб, зарарланган.
Воқеа жойига 4 та ёнғин-қутқарув экипажи зудлик билан етиб бориб, ёнғин соат 22:30 да ўраб олинган ва соат 22:36 да ўчирилган.
Ҳодиса оқибатида тан жароҳати олган ва ҳалок бўлганлар йўқ.
Бир неча кун олдин Тошкентдаги кафеда ёнғин содир бўлгани, Қашқадарёда буюм бозоридаги дўконларда ёнғин чиққани тўғрисида хабар берилганди. Март охирларида Тошкентнинг Шайхонтоҳур туманида пластмасса маҳсулотларини сақлаш омборида ёнғин юз бергани маълум қилинганди. Шунингдек, Андижондаги кўп қаватли уйда ёнғин чиққани, Хоразмдаги пахта заводида ёнғин содир бўлгани тўғрисида хабар берилганди.
Изоҳ (0)