Germaniyada 21-aprel holatiga ko‘ra EVG temiryo‘llar va transport xodimlari kasaba uyushmasi tomonidan e’lon qilingan ish tashlashlar sabab poyezdlar harakati deyarli falajlandi, deb xabar beradi Deutsche Welle.
Ma’lum qilinishicha, mehnat sharoitini yaxshilash borasidagi kurashga soat 03:00 dan boshlab mamlakatdagi 50 ga yaqin temiryo‘l kompaniyalarining xodimlari qo‘shilgan.
Deutsche Bahn temiryo‘l kompaniyasi poyezdlar harakatida kechga qadar uzilishlar bo‘lishi mumkinligidan ogohlantirgan. Xizmat ko‘rsatish sohasidagi Ver.di kasaba uyushmasi bo‘lsa kuni kecha Gamburg, Kyoln/Bonn va Dyusseldorf aeroportlarida boshlangan ish tashlashlarni davom ettirmoqda, 21-apreldan ularga Shtutgart va Karlsrue/Baden-Baden aeroportlari ham qo‘shilgan.
Kasaba uyushmachlarining talabi
EVG ittifoqi nemis temiryo‘l xodimlarining maoshini 12 foizga, biroq oyiga 650 yevrodan kam bo‘lmagan miqdorga oshirishni talab qilmoqda. Ver.di bo‘lsa tungi vaqtda, dam olish va bayram kunlari ishlaydigan aeroport xodimlarining ustamasini oshirishni so‘rayapti. 11, 12-aprel kunlari o‘tkazilgan muzokaralar natijasida kelishuvga erishilmagan, keying raundni 27–28-aprel kunlari o‘tkazish reja qilinmoqda.
Germaniya transport sohasi xodimlarining oxirgi eng yirik ish tashlashlari mart oxirlarida sodir bo‘lgan. Kasaba uyushmalari tomonidan tashkil etilgan bu kabi noroziliklar deyarli doim oldindan e’lon qilinadi — nemis qonunchiligiga ko‘ra, bu ishga kech qolish yoki kelmaslik uchun asos bo‘la olmaydi.
Dekabr oyida Amerikaning The New York Times gazetasida ishlovchi 1 000 dan ortiq xodim 40 yil ichida birinchi marta 24 soatlik ish tashlash e’lon qilgandi. Xodimlar ish haqini oshirish va masofadan turib ishlash imkoniyatini kengaytirishni talab qilgan.
Izoh (1)
не открывается