Тошкентда Рамазон ҳайити байрами ва дам олиш кунлари автобуслар қай тартибда ишлаши маълум қилинди.
“Тошшаҳартрансхизмат” матбуот хизматининг маълум қилишича, 21—24 апрель кунлари автобус йўналишларининг фаолияти қуйидагича ташкил этилади:
- 21 апрель, жума — ишланмайдиган байрам куни. Якшанба кунлари учун тасдиқланган жадваллар асосида;
- 22 апрель, шанба — дам олиш куни. Шанба кунлари учун тасдиқланган жадваллар асосида;
- 23 апрель, якшанба — дам олиш куни. Якшанба кунлари учун тасдиқланган жадваллар асосида;
- 24 апрель, душанба — қўшимча дам олиш куни. Якшанба кунлари учун тасдиқланган жадваллар асосида.
Тошкент масжидларида Рамазон ҳайити намози ўқилиши муносабати билан махсус автобус йўналишлари ҳам ташкил этилмоқда. Мазкур автобус йўналишлари соат 04:00 дан 07:00 га қадар ҳаракатланган ҳолда фуқароларнинг масжидларга келиб кетишлари учун хизмат кўрсатади.
Байрам кунларида метро поездлари ҳаракати интервали доимий жадвал асосида соат 04:00 дан йўловчиларга хизмат кўрсатишни бошлайди.
Бундан ташқари, байрам муносабати билан Тошкентдан Хива ва Самарқандга қўшимча поездлар қатнови йўлга қўйилди.
Изоҳ (0)