Toshkent shahri Uchtepa tumanida 18-aprel kuni Cobalt va Captiva avtomobillari ishtirokida yo‘l-transport hodisasi sodir bo‘ldi.
Poytaxt Yo‘l harakati xavfsizligi bosh boshqarmasiga ko‘ra, tumanning Kichik halqa yo‘li ko‘chasida Cobalt hamda Captiva avtomashinalari to‘qnashgan.
Oqibatda haydovchilar tan jarohatlari bilan shifoxonaga olib ketilgan. Cobalt avtomashina yo‘lovchisi olgan tan jarohatlari sababli voqea joyida vafot etgan.
Holat yuzasidan shahar IIBB Tergov boshqarmasi tomonidan Jinoyat kodeksining 266-moddasi 2-qismi (odam o‘lishiga sabab bo‘lgan transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan. Tergov davom etmoqda.
Izoh (0)