Тошкент шаҳри Учтепа туманида 18 апрель куни Cobalt ва Captiva автомобиллари иштирокида йўл-транспорт ҳодисаси содир бўлди.
Пойтахт Йўл ҳаракати хавфсизлиги бош бошқармасига кўра, туманнинг Кичик ҳалқа йўли кўчасида Cobalt ҳамда Captiva автомашиналари тўқнашган.
Оқибатда ҳайдовчилар тан жароҳатлари билан шифохонага олиб кетилган. Cobalt автомашина йўловчиси олган тан жароҳатлари сабабли воқеа жойида вафот этган.
Ҳолат юзасидан шаҳар ИИББ Тергов бошқармаси томонидан Жиноят кодексининг 266-моддаси 2-қисми (одам ўлишига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган. Тергов давом этмоқда.
Изоҳ (0)