Toshkentning Sergeli tumanida Cobalt haydovchisi yuk mashina tirkamasiga borib urilishi oqibatida halok bo‘ldi.
Poytaxt IIBB Yo‘l harakati xavsizligi boshqarmasining ma’lum qilishicha, voqea 14-aprel kuni soat 22:20 larda Sergeli tumani Qumariq ko‘chasida yuz bergan. S.D. Cobalt’ni boshqarib kelayotib, harakatsiz to'xtab turgan “MAN” yuk mashinasining tirkamasiga borib urilgan.
Oqibatda 1996-yilda tug‘ilgan Cobalt haydovchisi olgan tan jarohatlari natijasida voqea joyida vafot etgan.
Mazkur holat yuzasidan Toshkent shahar IIBB Tergov boshqarmasi tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilgan. Tergov davom etmoqda.
Izoh (0)