O‘zbekiston Markaziy banki aholidan to‘lovlarni amalga oshirishda komissiyaning eng yuqori miqdorini belgilash to‘g‘risidagi qaror loyihasini muhokama uchun e’lon qildi.
Hozirda bank kassalarida kommunal xizmatlar haqini to‘lashda iste’molchilardan xizmat uchun komissiya undiriladi.
2023 yil 1 maydan boshlab benefitsiari budjet va korporativ buyurtmachi hisoblangan to‘lovlar bo‘yicha to‘lov xizmatlari ko‘rsatganlik uchun vositachilik haqi (yig‘imlar) to‘lov shaklidan qat’iy nazar to‘lovchi — jismoniy shaxsdan emas, balki to‘lov summasidan chegirib qolish yo‘li bilan undirilishi belgilanganmoqda.
Bunda, komissiya miqdori to‘lov miqdorining 1 foizigacha belgilanadi, ammo ularning umumiy summasi Markaziy bank tomonidan belgilangan chegaraviy miqdordan oshmasligi shart.
Markaziy bank vositachilik haqqi uchun to‘lovlarni bazaviy hisoblash miqdorining 20 foizi — 66 mingdan ko‘p bo‘lmagan holda undirishni taklif qilmoqda.
Loyiha muhokamasi 2 mayga qadar davom etadi.
Izoh (0)