Pokiston politsiyasi o‘zini payg‘ambar deb da’vo qilgan musulmon ayolni kufrlikda ayblab hibsga oldi. Bu haqda Associated Press xabar berdi.
Ayolning ismi Sanaulloh bo‘lib, Panjob provinsiyasidagi Faysalobod shahridagi uyida hibsga olingan. Uning uyi oldida to‘plangan olomon ayolga jazo tayinlashni talab qilgan. Ayol bilan birga yana ikki kishi hibsga olingan.
Pokistonda islom dinini yoki Muhammad payg‘ambarni haqorat qilishda aybdor deb topilgan har qanday shaxs o‘lim yoki umrbod qamoq jazosiga hukm qilinishi mumkin. Misol tariqasida, Pokistonda erkak WhatsApp’ga joylashtirgan kontenti sabab o‘limga hukm qilingandi. Pokistonda kufr juda nozik masala bo‘lib, hatto isbotlanmagan ayblovlar ham zo‘ravonlikni qo‘zg‘atishi mumkin.
Pokiston rasmiylari fevral oyida “kufrona” kontentni olib tashlash talablarini bajarmagani uchun Wikipedia veb-ensiklopediyasini bloklagandi. Wikipedia kompaniyasiga ushbu ma’lumotlarni o‘chirish uchun 48 soat vaqt berilgandi. Na nashr, na Pokiston rasmiylari qaysi “kufrona” kontentni nazarda tutgani haqida ma’lumot berilmagan.
Izoh (0)