Statistika agentligi maʼlumotlariga ko‘ra, 2023-yilning 1-yanvar holatiga O‘zbekistonda ko‘p qavatli uylardagi xonadonlar soni 1 million 464,5 mingtani tashkil etmoqda.
Qayd etilishicha, ushbu ko‘rsatkich 2022-yilning mos davriga nisbatan 62,1 mingtaga oshgan.
Hududlar bo‘yicha ko‘p qavatli uylar eng ko‘p Toshkent shahrida joylashgan — 527,9 mingta. Undan keyingi o‘rinlarni 164 ming va 125,3 ming ko‘rsatkich bilan Toshkent hamda Farg‘ona viloyati egallab turibdi. Ko‘p qavatli uylar hududlar kesimida:
- Qoraqalpog‘iston Respublikasi — 44,1 mingta;
- Andijon viloyati — 56,8 mingta;
- Buxoro viloyati — 68,4 mingta;
- Jizzax viloyati — 67,2 mingta;
- Qashqadaryo viloyati — 59,1 mingta;
- Navoiy viloyati — 77,7 mingta;
- Namangan viloyati — 49,6 mingta;
- Samarqand viloyati — 97,7 mingta;
- Surxondaryo viloyati — 45 mingta;
- Sirdaryo viloyati — 43,2 mingta;
- Toshkent viloyati — 164,0 mingta;
- Farg‘ona viloyati — 125,3 mingta;
- Xorazm viloyati — 38,5 mingta.
“Yangi O‘zbekiston” va boshqa davlat dasturlari doirasida qurilgan massivlarning bo‘sh yerlarida ko‘p qavatli uy-joylar qurishni davom ettirish va 2023-yilda qurish hajmini 90 mingtaga yetkazish taklif etilmoqda. 1-maydan boshlab rasmiy daromadi yetarli bo‘lmagan aholiga ham ipoteka krediti olish imkoni yaratilishi haqida xabar berilgan edi. Prezidentning 13-apreldagi mazkur qarori bilan endilikda banklarga ipoteka kreditlarini rasmiy daromadga ega bo‘lmagan jismoniy shaxslarga ham ajratishga ruxsat etildi. Bunda, ushbu fuqarolarning to‘lov qobiliyati ularning bank kartasidagi aylanmasi, ijara, kommunal va boshqa xarajatlarini hisobga olgan holda aniqlanadi.
Izoh (0)