YCHL. “Manchester Siti” o‘zida “Bavariya”ni yirik hisobda yutdi, “Inter” safarda “Benfika”ga imkon qoldirmadi

Futbol bo‘yicha Chempionlar Ligasi chorak final dastlabki o‘yinlari doirasidagi ikkita bahs 11-aprel, seshanba kuni o‘tkazildi.

“Manchester Siti” o‘z uyida “Bavariya”ni qabul qildi. Uchrashuvning 27-daqiqasida Rodri inglizlarni oldinga olib chiqdi. “Shaharliklar” 70-daqiqada Bernardu Silva va 76-daqiqada Erling Holandning gollari evaziga hisobni yirik ko‘rinishga olib keldi.

Shu tariqa Pep Gvardiola jamoasi javob bahsi oldidan yaxshi natija qayd etdi.

Yana bir o‘yin “Benfika” va “Inter” jamoalari o‘rtasida kechdi. Nikolo Barella va Romelu Lukakuning gollari milanliklarga safarda ishonchli g‘alabani taqdim etdi.

Mazkur juftliklar o‘rtasidagi javob o‘yinlari 19-aprel kuni o‘tkaziladi.

YCHL

Chorak final, dastlabki o‘yin

11-aprel, seshanba

“Manchester Siti” (Angliya) – “Bavariya” (Germaniya) 3:0

Gollar: 1:0 – 27 Rodri, 2:0 – 70 Bernardu Silva, 3:0 – 76 Holand.

“Manchester Siti”: Ederson, Ake, Ruben Diash, Akanji, Stounz, Gundo‘g‘an, de Bryuyne (Alvares, 68), Grilish, Bernardu Silva, Rodri, Holand.

“Bavariya”: Zommer, Pavar, Upamekano, de Ligt, Goretska, Kimmix, Devis (Joau Kanselu, 81), Koman, Sane, Musiala (Mane, 69), Gnabri (Myuller, 80).

Ogohlantirishlar: Bernardu Silva (48), Devis (49), Pavar (88).

“Benfika” (Portugaliya) – “Inter” (Italiya) 0:2

Gollar: 0:1 – 51 Barella, 0:2 – 82, penalti Lukaku.

“Benfika”: Vlaxodimos, Jilberto, Morato, Antoniu Silva, Grimaldo, Joau Mariu, Rafa Silva, Eursnes, Shikinyu, Florentinu (Neres, 64), Gonsalu Ramush.

“Inter”: Onana, Dumfris (D`Ambrozio, 87), Darmian, Acherbi, Bastoni (de Vrey, 90), Dimarko (Gozens, 63), Mxitaryan, Brozovich, Barella, Jeko (Lukaku, 63), Martines (Korrea, 63).

Ogohlantirishlar: Antoniu Silva (22), Brozovich (50), Jeko (83).