ЕЧЛ. “Манчестер Сити” ўзида “Бавария”ни йирик ҳисобда ютди, “Интер” сафарда “Бенфика”га имкон қолдирмади

Футбол бўйича Чемпионлар Лигаси чорак финал дастлабки ўйинлари доирасидаги иккита баҳс 11 апрель, сешанба куни ўтказилди.

“Манчестер Сити” ўз уйида “Бавария”ни қабул қилди. Учрашувнинг 27-дақиқасида Родри инглизларни олдинга олиб чиқди. “Шаҳарликлар” 70-дақиқада Бернарду Сильва ва 76-дақиқада Эрлинг Ҳоланднинг голлари эвазига ҳисобни йирик кўринишга олиб келди.

Шу тариқа Пеп Гвардиола жамоаси жавоб баҳси олдидан яхши натижа қайд этди.

Яна бир ўйин “Бенфика” ва “Интер” жамоалари ўртасида кечди. Николо Барелла ва Ромелу Лукакунинг голлари миланликларга сафарда ишончли ғалабани тақдим этди.

Мазкур жуфтликлар ўртасидаги жавоб ўйинлари 19 апрель куни ўтказилади.

ЕЧЛ

Чорак финал, дастлабки ўйин

11 апрель, сешанба

“Манчестер Сити” (Англия) – “Бавария” (Германия) 3:0

Голлар: 1:0 – 27 Родри, 2:0 – 70 Бернарду Сильва, 3:0 – 76 Ҳоланд.

“Манчестер Сити”: Эдерсон, Аке, Рубен Диаш, Аканжи, Стоунз, Гундўған, де Брюйне (Альварес, 68), Грилиш, Бернарду Сильва, Родри, Ҳоланд.

“Бавария”: Зоммер, Павар, Упамекано, де Лигт, Горетцка, Киммих, Дэвис (Жоау Канселу, 81), Коман, Сане, Мусиала (Мане, 69), Гнабри (Мюллер, 80).

Огоҳлантиришлар: Бернарду Сильва (48), Дэвис (49), Павар (88).

“Бенфика” (Португалия) – “Интер” (Италия) 0:2

Голлар: 0:1 – 51 Барелла, 0:2 – 82, пенальти Лукаку.

“Бенфика”: Влаходимос, Жилберто, Морато, Антониу Сильва, Грималдо, Жоау Мариу, Рафа Сильва, Эурснес, Шикиню, Флорентину (Нерес, 64), Гонсалу Рамуш.

“Интер”: Онана, Думфрис (Д`Амброзио, 87), Дармиан, Ачерби, Бастони (де Врей, 90), Димарко (Гозенс, 63), Мхитарян, Брозович, Барелла, Жеко (Лукаку, 63), Мартинес (Корреа, 63).

Огоҳлантиришлар: Антониу Сильва (22), Брозович (50), Жеко (83).