Toshkentning “Bunyodkor” futbol klubi 2022-yilda 27,5 mlrd so‘m zarar ko‘rdi. Bu haqda klub moliyaviy hisobotidan ma’lum bo‘ldi.
“Bunyodkor” 2021-yilda 37 mlrd so‘m, 2020-yilda 32,8 mlrd so‘m, 2019-yilda esa 1 mlrd so‘m zarar ko‘rgandi.
Klub so‘nggi marta yilni foyda bilan 2018-yilda yakunlagan edi. O‘sha yili klub foydasi 779 ming so‘m bo‘lgan.
“FK Bunyodkor” MChJ 2005-yilda tashkil qilingan. Klub 100 foizga Davlat aktivlarini boshqarish agentligiga tegishli.
Avvalroq “O‘zbekneftgaz” “Mash’al” futbol klubining egasiga aylangani haqida xabar berilgan edi.