Rossiyada yangi 2023 yilgi Chevrolet Nexia sedanlarini sotish boshlandi. Bu haqda “ixbt.com” xabar bermoqda.
Qayd etilishicha, avtomobil Rossiya bozori uchun jozibador narxlarda taklif qilinmoqda.
Qozog‘istonda yig‘iladigan avtomobillar dastlab 1 399 000 rubldan (17 ming dollar yoki 195 mln so‘m) taklif qilinadi. Ammo rossiyaliklar kredit olib, avtomobilini almashtirsa, narxni 1 279 000 rublgacha kamaytirishi mumkin.
Barcha Chevrolet Nexia 2023 avtomobillari 106 ot kuchiga ega 1,5 litrli dvigatel va avtomatik uzatmalar qutisi bilan jihozlangan.
Bundan tashqari avtomobil old xavfsizlik yostiqchalari, tumanga qarshi chiroqlar, bort kompyuteri, konditsioner, elektr oynalar, ko‘p funksiyali rulga ham ega.
O‘zbekistonda Nexia uchun shartnomalar qabul qilinishi 2022-yilda to‘xtatilgan. Avtomobil narxi so‘ngi bor 120 mln atrofida edi.
Hozirda “Olx.uz”da 2022-yil ishlab chiqarilgan Nexia 3 rusumli avtomobil 16 ming dollargacha baholanmoqda.
Avvalroq Cobalt fevral oyida Qozog‘istonda eng ko‘p sotilgan avtomobil bo‘lgan edi.
Izoh (0)