Тошкент шаҳар Чилонзор туманидаги бўш турган омборхона иншоотлари кимошди савдосига қўйилди. Маълумотлар “E-auksion” порталида эълон қилинган.
Лот аукционга Давлат активларини бошқариш агентлигининг Тошкент шаҳар ҳудудий бошқармаси томонидан қўйилган.
Ер участкасининг умумий майдони — 1,7 гектар. Бинонинг майдони — 11 105,40 квадрат метр. Бинода сув, электр таъминоти мавжуд, канализация тизими ва газ йўқ.
Шунингдек, омборхонада 1 800 квадрат метр ҳужжатсиз бино-иншоот ҳамда хатловда аниқланган бошқа бинолар мавжуд.
Аукционга қўйилган омборхона биноларининг бошланғич баҳоси — 62,4 млрд сўм. Аризалар 21 апрель 09:00 га қадар қабул қилинади. Савдолар худди шу куни 10:00 да бошланади.
Аввалроқ Тошкентдаги маъмурий бино 27 млрд сўмга аукционга қўйилгани ҳақида хабар берилганди.
Изоҳ (0)