Belarus Xavfsizlik kengashi kotibi Aleksandr Volfovich oliy ma’lumotli talabalarni muddatli harbiy xizmatga chaqirishni taklif qildi. Bu haqda “BelTA” xabar berdi.
U oliy ta’lim muassasalari rektorlarini “bir paytlar Sovet Ittifoqida bo‘lgani kabi” armiyaga talabalarni jalb qilish bo‘yicha munosabatini ko‘rib chiqishni taklif qildi. Volfovich “hamma yangi narsa eski unutilgan narsa” ekanini va bu borada rektorlar o‘z fikr va takliflarini Belarus Xavfsizlik Kengashi kotibiyatiga yetkazish kerakligini bildirdi.
“Oliy o‘quv yurtiga kirib, xizmatga borgan yigit bir yil xizmat qilib, ikkinchi-uchinchi kursga qaytsa, qizlar unga boshqacha qaraydi. U umuman oliy o‘quv yurtiga nima maqsadda kirganini boshqacha tushuna boshlaydi. Harbiy kafedralarda kelajakda mashg‘ulotlar uchun soatlar sonini ham kamaytirish mumkin. Kimdir allaqachon ongli ravishda harbiy kafedraga topshiradi va armiyada xizmat qilgan esa bu bilimlar unga kerakmasligini aytishi mumkin”, — dedi Volfovich.
SSSRda talabalarni armiyaga chaqirish 1982-yildan 1989-yilgacha Afg‘onistondagi urush paytida davom etgan. Bu harbiy xizmatga chaqiruvchilarning yetishmasligi sharoitida Sovet qurolli kuchlarini kadrlar bilan ta’minlash muammosini hal qilish imkonini bergan.
Izoh (0)