Беларусь Хавфсизлик кенгаши котиби Александр Вольфович олий маълумотли талабаларни муддатли ҳарбий хизматга чақиришни таклиф қилди. Бу ҳақда “БелТА” хабар берди.
У олий таълим муассасалари ректорларини “бир пайтлар Совет Иттифоқида бўлгани каби” армияга талабаларни жалб қилиш бўйича муносабатини кўриб чиқишни таклиф қилди. Вольфович “ҳамма янги нарса эски унутилган нарса” эканини ва бу борада ректорлар ўз фикр ва таклифларини Беларусь Хавфсизлик Кенгаши котибиятига етказиш кераклигини билдирди.
“Олий ўқув юртига кириб, хизматга борган йигит бир йил хизмат қилиб, иккинчи-учинчи курсга қайтса, қизлар унга бошқача қарайди. У умуман олий ўқув юртига нима мақсадда кирганини бошқача тушуна бошлайди. Ҳарбий кафедраларда келажакда машғулотлар учун соатлар сонини ҳам камайтириш мумкин. Кимдир аллақачон онгли равишда ҳарбий кафедрага топширади ва армияда хизмат қилган эса бу билимлар унга керакмаслигини айтиши мумкин”, — деди Вольфович.
СССРда талабаларни армияга чақириш 1982 йилдан 1989 йилгача Афғонистондаги уруш пайтида давом этган. Бу ҳарбий хизматга чақирувчиларнинг етишмаслиги шароитида Совет қуролли кучларини кадрлар билан таъминлаш муаммосини ҳал қилиш имконини берган.
Изоҳ (0)