Farg‘ona viloyati Qo‘shtepa tumanida ikki qo‘shni o‘rtasidagi pichoqbozlik sabab ulardan biri vafot etdi. Bu haqda Ichki ishlar vazirligi axborot xizmati xabar berdi.
Xabarga ko‘ra, holat Qo‘shtepa tumanining “Qoraqushchi” mahallasida sodir bo‘lgan. Bir mahallada yashovchi ayollar mashina signali sabab janjallashib qolgan. Mazkur janjalga erkaklar ham aralashgan.
Keltirilishicha, erkaklar dastlab mushtlashgan, keyin esa pichoqbozlik sodir bo‘lgan. Ulardan biri tan jarohati olib voqea joyida vafot etgan. Ikkinchisi esa og‘ir ahvolda shifoxonaga yotqizilgan.
Qayd etilishicha, ushbu jinoyat sodir etilgan mahallada holat yuzasidan muhokama o‘tkazildi. Muhokamada mahalla faollari, diniy soha vakillarining fikr-mulohazalari eshitildi.
Izoh (0)