Toshkent tumanlararo iqtisodiy sudida “Sof.uz” sayti tomonidan “Anorbank” aksiyadorlik jamiyatiga yetkazilgan zararni undirish to‘g‘risidagi da’vo bilan bog‘liq iqtisodiy ish ko‘rib chiqildi.
“Anorbank” axborot xizmatining xabar berishicha, sud yakunlari bo‘yicha “Komil unsur” MCHJ hisobidan “Anorbank” aksiyadorlik jamiyati foydasiga infohujum oqibatida bank tomonidan amalga oshirilgan 3,7 milliard so‘m miqdorida haqiqiy zarar summasini undirish to‘g‘risida hal qiluv qarori qabul qilindi.
“Biz har qanday jurnalistik tekshiruvlar xolisona, bank sohasi mutaxassislari va ekspertlarining tegishli fikr-mulohazalari va xulosalarini inobatga olgan holda olib borilishi lozimligi haqidagi pozitsiyamizni alohida ta’kidlaymiz.
“Sof.uz veb-sayti tomonidan bank haqida haqiqatga to‘g‘ri kelmaydigan, tekshirilmagan, bankning fikri olinmagan soxta axborotlar tarqatilishi oqibatida ushbu nizo yuzaga kelgan edi.
Shu bilan birga, biz OAV, jurnalistlar hamjamiyati va blogerlar bilan professional, o‘zaro manfaatli va ochiq munosabatlarga sodiqligimizni yana bir bor tasdiqlamoqchimiz va ular bilan doimo mustahkam hamkorlik aloqalarini saqlashga harakat qilamiz”, — deyiladi xabarda.
Izoh (0)