Тошкент туманлараро иқтисодий судида “Sof.uz” сайти томонидан “Анорбанк” акциядорлик жамиятига етказилган зарарни ундириш тўғрисидаги даъво билан боғлиқ иқтисодий иш кўриб чиқилди.
“Анорбанк” ахборот хизматининг хабар беришича, суд якунлари бўйича “Комил унсур” МЧЖ ҳисобидан “Анорбанк” акциядорлик жамияти фойдасига инфоҳужум оқибатида банк томонидан амалга оширилган 3,7 миллиард сўм миқдорида ҳақиқий зарар суммасини ундириш тўғрисида ҳал қилув қарори қабул қилинди.
“Биз ҳар қандай журналистик текширувлар холисона, банк соҳаси мутахассислари ва экспертларининг тегишли фикр-мулоҳазалари ва хулосаларини инобатга олган ҳолда олиб борилиши лозимлиги ҳақидаги позициямизни алоҳида таъкидлаймиз.
“Sof.uz веб-сайти томонидан банк ҳақида ҳақиқатга тўғри келмайдиган, текширилмаган, банкнинг фикри олинмаган сохта ахборотлар тарқатилиши оқибатида ушбу низо юзага келган эди.
Шу билан бирга, биз ОАВ, журналистлар ҳамжамияти ва блогерлар билан профессионал, ўзаро манфаатли ва очиқ муносабатларга содиқлигимизни яна бир бор тасдиқламоқчимиз ва улар билан доимо мустаҳкам ҳамкорлик алоқаларини сақлашга ҳаракат қиламиз”, — дейилади хабарда.
Изоҳ (0)