Futbol bo‘yicha O‘zbekiston chempionatining 4-turidan o‘rin olgan ikki o‘yin 1-aprel, shanba kuni bo‘lib o‘tdi.
“Navbahor” o‘z maydonida “So‘g‘diyona”ni qabul qildi va 3:0 hisobida zafar quchdi. Namanganliklar safida Milosh Milovich, Oston O‘runov va Shahboz Jo‘rabekov o‘z hisobiga gol yozdirib qo‘ydi.
Ushbu g‘alabadan so‘ng Samvel Babayan jamoasi ochkolarini 9 taga yetkazib, 2-o‘ringa ko‘tarilib oldi. “So‘g‘diyona” esa 1 ochko bilan turnir jadvalining eng so‘nggi pog‘onasini band etib turibdi.
“Nasaf” esa “Qizilqum” maydoniga safar qildi. Uchrashuvning birinchi bo‘limida darvozalar ishg‘ol etilmadi. Ikkinchi bo‘limda esa mezbonlar hisobni ochdi. 55-daqiqada Islom Kenjaboyev gol muallifiga aylandi. O‘yin so‘ngida esa “Qizilqum” darvozasi tomon penalti belgilandi. Penaltini qarshiliklar a’zosi Zafarmurod Abdurahmatov aniq amalga oshirdi. O‘yin shu hisob bilan yakunlandi.
“Nasaf” ochkolarini 7 taga yetkazdi va 6-o‘rindan joy oldi. “Qizilqum” esa 4 ochko bilan 8-pog‘onada bormoqda.
Superliga
4-tur bahslari
1-aprel, shanba
“Navbahor” — “So‘g‘diyona” 3:0
Gollar: 1:0 — 13 Milosh Milovich, 2:0 — 25 Oston O‘runov, 3:0 — 50 Shahboz Jo‘rabekov.
“Navbahor”: 1. O‘tkir Yusupov, 5.Milosh Milovich, 6. Ibrohim Yo‘ldoshev, 7. Oston O‘runov, 10. Jamshid Iskanderov (55. Asad Jo‘raboyev, 77) 14. Jamshid Boltaboyev, 17. Abror Ismoilov, 21. Temurxo‘ja Abduxoliqov (11. Shohruz Norxonov, 77), 22. Igor Golban, 23. Yovan Jokich, 27. Shahboz Jo‘rabekov.
“So‘g‘diyona”: 27. Milan Mitrovich, 4. Elyor Orifov (6. Alisher Salimov, 63), 9. Zenan Zaymovich, 10. Javohir Qahramonov, 11. Jasur Hasanov (7. Serder Serderov, 46), 12. Xislat Halilov, 14. Boburbek Yo‘ldoshev, 22. Sanjar Shoahmedov 28. Stanislav Andreyev, 77. Daniel Nasriddinov (5. Ayubxon No‘monov, 79), 93. Marko Kolakovich.
Ogohlantirishlar: Marko Kolakovich (33), Elyor Orifov (45).
“Qizilqum” — “Nasaf” 1:1
Gol: 1:0 — 55 Islom Kenjaboyev, 1:1 — 90+5 Zafarmurod Abdurahmatov (penalti).
“Qizilqum”: 35. Javohir Ilyosov, 2. Avazxon Mamatxo‘jayev, 4. Ilhom Vahobov, 5. Samandar Shukurillayev, 10. Islom Kenjaboyev, 11. Jasur Xolto‘rayev, 23. Sherali Jo‘rayev (25. Azizbek Usmonov, 67), 24. Ifeani Ifeani, 75. Oleg Tolmasov, 77. Oybek Nurmatov, 87. Alisher Sanoyev (30. Islom Toshpo‘latov, 69).
“Nasaf”: 35. Abduvohid Ne’matov, 4. Husniddin Aliqulov, 5. G‘olib G‘aybullayev, 7. Akmal Mozgovoy, 9. Javohir Sidiqov, 17. Suhrob Nurulloyev (19. Mateus Lima, 58), 23. Sardor Sadullayev (8. Zafarmurod Abdurahmatov, 74), 34. Sherzod Nasrullayev, 77. Oybek Bozorov, 92. Umarbek Eshmurodov, 99. Azizbek Amonov (18. Bahrom Abdurahimov, 74).
Ogohlantirishlar: Jasur Xolto‘rayev (17), Sardor Sadullayev (28), Javohir Sidiqov (41), Samandar Shukurillayev (43), Javohir Ilyosov (73).
Izoh (0)