APL. “Manchester Siti” 5 ta gol urilgan o‘yinda “Liverpul”ni yirik hisobda taslim etdi 

Futbol bo‘yicha Angliya Premyer Ligasining 29-turida “Manchester Siti” 1-aprel, shanba kuni “Liverpul”ga qarshi bahs olib bordi.

Uchrashuvning 17-daqiqasida Muhammad Saloh hisobni ochdi. 27-daqiqada esa Xulian Alvares muvozanatni tikladi. 

Ikkinchi bo‘lim boshida Kevin de Bryuyne “shaharliklar”ni hisobda oldinga olib chiqdi. Oradan 7 daqiqa o‘tib, Ilkay Gundo‘g‘an hisobni ishonchli ko‘rinishga olib keldi. 74-daqiqada esa Jek Grilish manchesterliklarning navbatdagi goli muallifiga aylandi. Qolgan daqiqalarda darvozalar ishg‘ol etilmadi va “Manchester Siti” g‘alabani rasmiylashtirdi. 

Ushbu g‘alabadan so‘ng Pep Gvardiola shogirdlari ochkolari sonini 64 taga yetkazib, 2-o‘rinni band etib turibdi. “Liverpul” esa 42 ochko bilan 6-pog‘onadan joy olgan. 

APL

29-tur bahsi

1-aprel, shanba

“Manchester Siti” – “Liverpul” 4:1

Gollar: 0:1 – 17 Saloh, 1:1 – 27 Alvares, 2:1 – 46 de Bryuyne, 3:1 – 53 Gundo‘g‘an, 4:1 – 74 Grilish.

“Manchester Siti”: Ederson, Ake, Ruben Diash, Akanji, Stounz, Gundo‘g‘an, de Bryuyne, Grilish (Palmer, 89), Rodri (Bernardu Silva, 83), Marez, Alvares.

“Liverpul”: Alisson, Aleksander-Arnold, van Deyk, Konate, Robertson (Simikas, 70), Henderson, Fabinyo, Elliott (Oksleyd-Chemberlen, 70), Saloh (Nunyes, 70), Diogu Jota (Firmino, 70), Gakpo (Milner, 82).

Ogohlantirishlar: Saloh (19), Rodri (33).