Бундеслига. “Бавария” 6 та гол урилган ўйинда “Боруссия Д”ни мағлуб этди ва мусобақа пешқадамига айланди

Футбол бўйича Германия Бундеслигасининг 26-турида “Бавария” ва “Боруссия Д” 1 апрель, шанба куни ўзаро баҳс олиб борди.

Турнинг марказий ўйинида мюнхенликлар 4:2 ҳисобида ғалаба қозонди. “Бавария” таркибида Томас Мюллер дубль қайд этган бўлса, битта гол Кингсли Коман ҳисобига ёзилди. Яна битта гол “Дортмунд” футболчиси Грегор Кобел ҳисобига автогол сифатида қайд этилди. “Боруссия” сафида Эмре Жан ва Донелл Мален гол муаллифларига айланди.

Томас Тухелнинг дебютида “Бавария” зафар қучди ва очколарини 55 тага етказиб, мусобақа пешқадамига айланди. “Дортмунд” эса 53 очко билан 2-ўринга тушди. 

Бундеслига

26-тур баҳси

1 апрель, шанба

“Бавария” – “Боруссия Д” 4:2

Голлар: 1:0 – 13 Кобел (автогол), 2:0 – 18 Мюллер, 3:0 – 23 Мюллер, 4:0 – 50 Коман, 4:1 – 72 Жан, 4:2 – 90 Мален.

“Бавария”: Зоммер, Павар, Упамекано, де Лигт, Горетцка (Гравенберх, 86), Киммих, Дэвис (Жоау Канселу, 79), Мюллер (Гнабри, 69), Коман (Мусиала, 79), Сане, Шупо-Мотинг (Мане, 69).

“Боруссия Д”: Кобел, Зюле, Шлоттербек (Ҳуммелс, 44), Рюерсон (Озжан, 46), Брандт (Мален, 46), Геррейру, Ройс (Дауд, 61), Жан, Беллингҳем, Вольф, Аллер (Мукоко, 61).

Огоҳлантиришлар: Жан (12), Упамекано (64).