Insoniyat AQSH va Xitoy o‘rtasida boshlanayotgan yangi sovuq urush arafasida turibdi, bu G‘arb va SSSR o‘rtasidagi birinchi sovuq urushdan ham xavfliroq bo‘ladi, dedi hademay 100 yoshga to‘ladigan AQSH sobiq davlat kotibi Genri Kissinjer Ispaniyaning El Mundo gazetasiga bergan intervyusida.
Kissinjer nega bu safargi kurash misli ko‘rilmagan darajada shiddatli bo‘lishini tushuntirdi. Gap shundaki, uning fikricha, har ikki davlat ham bir xil iqtisodiy resurslarga ega, birinchi sovuq urush davrida esa bunday bo‘lmagan.
Pekin va Vashingtonni bir biriga raqib deb bilish kerakmi, degan savolga diplomat ijobiy javob berdi. Shu bilan birga, sobiq davlat kotibi “XXRning g‘arblashishini” kutmaslikka chaqirdi, chunki bunday bo‘lmaydi.
2022-yil sentabr oyida Xitoy tashqi ishlar vaziri Van I Kissinjer bilan uchrashuvda Pekin va Vashington o‘rtasida yangi sovuq urush boshlanishi butun dunyo uchun falokat bo‘lishini ta’kidlagandi.
Vazirning fikricha, Vashington noto‘g‘ri tushuncha tufayli Pekinni asosiy raqobatchi va uzoq muddatli muammo sifatida ko‘radi. “AQSH Xitoyga nisbatan oqilona va pragmatik siyosatga qaytishi kerak”, — degan Van I.
Izoh (0)