Инсоният АҚШ ва Хитой ўртасида бошланаётган янги совуқ уруш арафасида турибди, бу Ғарб ва СССР ўртасидаги биринчи совуқ урушдан ҳам хавфлироқ бўлади, деди ҳадемай 100 ёшга тўладиган АҚШ собиқ давлат котиби Генри Kиссинжер Испаниянинг Эл Мундо газетасига берган интервьюсида.
Kиссинжер нега бу сафарги кураш мисли кўрилмаган даражада шиддатли бўлишини тушунтирди. Гап шундаки, унинг фикрича, ҳар икки давлат ҳам бир хил иқтисодий ресурсларга эга, биринчи совуқ уруш даврида эса бундай бўлмаган.
Пекин ва Вашингтонни бир бирига рақиб деб билиш керакми, деган саволга дипломат ижобий жавоб берди. Шу билан бирга, собиқ давлат котиби “ХХРнинг ғарблашишини” кутмасликка чақирди, чунки бундай бўлмайди.
2022 йил сентябрь ойида Хитой ташқи ишлар вазири Ван I Kиссинжер билан учрашувда Пекин ва Вашингтон ўртасида янги совуқ уруш бошланиши бутун дунё учун фалокат бўлишини таъкидлаганди.
Вазирнинг фикрича, Вашингтон нотўғри тушунча туфайли Пекинни асосий рақобатчи ва узоқ муддатли муаммо сифатида кўради. “АҚШ Хитойга нисбатан оқилона ва прагматик сиёсатга қайтиши керак”, — деган Ван I.
Изоҳ (0)