Afg‘onistonda ramazon oyi munosabati bilan oziq-ovqat narxi keskin pasaydi

Afg‘onistonda “Tolibon” harakati ramazon oyi munosabati bilan oziq-ovqat narxini pasaytirishni buyurdi. Bu haqda Sputnik Afg‘oniston xabar berdi.

“Tolibon” Moliya vazirligi ma’lumotlariga ko‘ra, buyruq asosida oltita mahsulotning narxi 18 dan 80 foizgacha arzonlashgan. Quyida mahsulotlarning “partiyasi” eski va yangi narx asosida taqqoslangan:

1. Kartoshka — 73 926 afg‘oni (850 dollar) / 14 985 afg‘oni (172 dollar), pasayish 79,73 foiz;
2. Pomidor — 45 360 afg‘oni (521 dollar) / 16 200 afg‘oni (186 dollar), pasayish 64,29 foiz;
3. Bamiya — 235 170 afg‘oni (2,7 ming dollar) / 90 450 afg‘oni (ming dollar), pasayish 61,54 foiz;
4. Olma — 291 870 afg‘oni (3,3 ming dollar) / 244 917 afg‘oni (2,8 ming dollar), pasayish 16,9 foiz;
5. Xurmo — 298 080 afg‘oni (3,4 ming dollar) / 186 300 afg‘oni (2,1 ming dollar), pasayish 37,5 foiz;
6. Tarvuz - 379 890 afg‘oni (4,3 ming dollar) / 217 080 afg‘oni (2,5 ming dollar), pasayish 42,86 foiz.