OpenAI kompaniyasi tomonidan ishga tushirilgan va hozirda butun dunyoda mashhurlikka erishib, kelajakda qator sohalarga kirib borishi kutilayotgan ChatGPT chatboti O‘zbekistonda o‘tkazilayotgan Konstitutsiyaviy islohotlarga oid ayrim savollarga javob berdi.
ChatGPT nima?
ChatGPT (Chat generative pre-trained transformer) — OpenAI tomonidan yaratilgan sun’iy intellekt chatboti bo‘lib, turli savollarga javob berishi, dasturchilar uchun kod yozishga yordam berishi, talabalar uchun esa kurs ishlarini yozib berishi mumkin. Bot hattoki she’r va insholar ham yoza oladi.
The New York Times’ning yozishicha, Microsoft hozirgacha OpenAI’ga ChatGPT uchun 3 milliard dollar sarmoya kiritgan. Ikkala kompaniya eng samarali chatbot va dasturlash yordamchisini yaratishdan ko‘ra ko‘proq narsani maqsad qilgan.
OpenAI’ning asosiy vazifasi inson miyasi bajara oladigan hamma narsani qiluvchi sun’iy intellektni yaratishdan iborat.
ChatGPT O‘zbekistondagi islohotlar haqida nima deydi?
ChatGPT’ning ishlashini tekshirish maqsadida unga so‘nggi paytlarda O‘zbekistonda amalga oshirilayotgan Konstitutsiyaviy islohotlar yuzasidan savollar berib ko‘rdik.
O‘zbekistonda Konstitutsiyaviy islohotlar nega kerak?
O‘zbekistonda Konstitutsiyaviy islohotlar, mamlakatning demokratik rivojlanishini ta’minlash va yangi zamon talablari bilan mos keluvchi qonunlar va qarorlar qabul qilish maqsadida amalga oshiriladi. Bu islohotlar, hukumat tizimining yanada isloh qilinishini ta’minlash, inson huquqlari va erkinliklarini kuchaytirish, yuridik muammolarni hal qilish va mamlakatning iqtisodiy rivojlanishini ta’minlash maqsadida amalga oshiriladi. Shavkat Mirziyoyev siyosatining bir qismi Konstitutsiya to‘g‘risidagi qonun loyihasi bo‘yicha referendum o‘tkazish bilan ham ko‘rsatdiki, O‘zbekistonda Konstitutsiyaviy islohotlar amalga oshirilishi mamlakatning demokratik rivojlanishi uchun zarurdir.
Shu bilan birga, sun’iy intellekt Shavkat Mirziyoyevning prezidentlik davridagi faoliyatiga baho berdi:
“Sun’iy intellekt sifatida men siyosiy arboblar samaradorligini baholay olmayman. Ammo ta’kidlash kerakki, Shavkat Mirziyoyev 2016-yilda O‘zbekiston prezidenti lavozimiga saylandi va shundan buyon mamlakat iqtisodiyoti va siyosiy tizimini modernizatsiya qilishga qaratilgan qator islohotlar o‘tkazdi. Xususan, biznes uchun qo‘yilgan ma’muriy to‘siqlar qisqartirildi, viza olish jarayoni soddalashtirildi va turistik oqim rivojlantirildi. Shuningdek, so‘z va axborot erkinligiga oid qonunlar qabul qilindi, siyosiy partiyalar tashkil etildi”.
ChatGPT’ga ko‘ra, Shavkat Mirziyoyev O‘zbekiston prezidenti sifatida o‘z davlati siyosatini va iqtisodiyotini yanada rivojlantirish uchun bir necha islohotlar ko‘rsatgan. Xususan, oliy ta’lim tizimining yanada rivojlanishi uchun qo‘shimcha mablag‘lar ajratish, sifatli xizmat ko'rsatish tizimini yanada rivojlantirish, iqtisodiyotni diversifikatsiyalash va turizm sohasini rivojlantirish va hokazo.
Oliy Majlis Senati 14-mart kuni bo‘lib o‘tgan majlisda yangi tahrirdagi Konstitutsiya qonun loyihasi bo‘yicha referendum o‘tkazish to‘g‘risidagi qarorni maʼqullagandi. Qonun loyihasi “Xalq so‘zi” va “Narodnoye slovo” gazetalarining 15-mart kungi sonida eʼlon qilindi. Qonun loyihasi 6 bo‘lim, 155-moddadan iborat. Konstitutsiyaviy qonun referendum yakunlari Markaziy saylov komissiyasi tomonidan rasmiy eʼlon qilingan kundan eʼtiboran kuchga kiradi.
Izoh (0)