OpenAI компанияси томонидан ишга туширилган ва ҳозирда бутун дунёда машҳурликка эришиб, келажакда қатор соҳаларга кириб бориши кутилаётган ChatGPT чатботи Ўзбекистонда ўтказилаётган Конституциявий ислоҳотларга оид айрим саволларга жавоб берди.
ChatGPT нима?
ChatGPT (Chat generative pre-trained transformer) — OpenAI томонидан яратилган сунъий интеллект чатботи бўлиб, турли саволларга жавоб бериши, дастурчилар учун код ёзишга ёрдам бериши, талабалар учун эса курс ишларини ёзиб бериши мумкин. Бот ҳаттоки шеър ва иншолар ҳам ёза олади.
The New York Times’нинг ёзишича, Microsoft ҳозиргача OpenAI’га ChatGPT учун 3 миллиард доллар сармоя киритган. Иккала компания энг самарали чатбот ва дастурлаш ёрдамчисини яратишдан кўра кўпроқ нарсани мақсад қилган.
OpenAI’нинг асосий вазифаси инсон мияси бажара оладиган ҳамма нарсани қилувчи сунъий интеллектни яратишдан иборат.
ChatGPT Ўзбекистондаги ислоҳотлар ҳақида нима дейди?
ChatGPT’нинг ишлашини текшириш мақсадида унга сўнгги пайтларда Ўзбекистонда амалга оширилаётган Конституциявий ислоҳотлар юзасидан саволлар бериб кўрдик.
Ўзбекистонда Конституциявий ислоҳотлар нега керак?
Ўзбекистонда Конституциявий ислоҳотлар, мамлакатнинг демократик ривожланишини таъминлаш ва янги замон талаблари билан мос келувчи қонунлар ва қарорлар қабул қилиш мақсадида амалга оширилади. Бу ислоҳотлар, ҳукумат тизимининг янада ислоҳ қилинишини таъминлаш, инсон ҳуқуқлари ва эркинликларини кучайтириш, юридик муаммоларни ҳал қилиш ва мамлакатнинг иқтисодий ривожланишини таъминлаш мақсадида амалга оширилади. Шавкат Мирзиёев сиёсатининг бир қисми Конституция тўғрисидаги қонун лойиҳаси бўйича референдум ўтказиш билан ҳам кўрсатдики, Ўзбекистонда Конституциявий ислоҳотлар амалга оширилиши мамлакатнинг демократик ривожланиши учун зарурдир.
Шу билан бирга, сунъий интеллект Шавкат Мирзиёевнинг президентлик давридаги фаолиятига баҳо берди:
“Сунъий интеллект сифатида мен сиёсий арбоблар самарадорлигини баҳолай олмайман. Аммо таъкидлаш керакки, Шавкат Мирзиёев 2016 йилда Ўзбекистон президенти лавозимига сайланди ва шундан буён мамлакат иқтисодиёти ва сиёсий тизимини модернизация қилишга қаратилган қатор ислоҳотлар ўтказди. Хусусан, бизнес учун қўйилган маъмурий тўсиқлар қисқартирилди, виза олиш жараёни соддалаштирилди ва туристик оқим ривожлантирилди. Шунингдек, сўз ва ахборот эркинлигига оид қонунлар қабул қилинди, сиёсий партиялар ташкил этилди”.
ChatGPT’га кўра, Шавкат Мирзиёев Ўзбекистон президенти сифатида ўз давлати сиёсатини ва иқтисодиётини янада ривожлантириш учун бир неча ислоҳотлар кўрсатган. Хусусан, олий таълим тизимининг янада ривожланиши учун қўшимча маблағлар ажратиш, сифатли хизмат кўрсатиш тизимини янада ривожлантириш, иқтисодиётни диверсификациялаш ва туризм соҳасини ривожлантириш ва ҳоказо.
Олий Мажлис Сенати 14 март куни бўлиб ўтган мажлисда янги таҳрирдаги Конституция қонун лойиҳаси бўйича референдум ўтказиш тўғрисидаги қарорни маъқуллаганди. Қонун лойиҳаси “Халқ сўзи” ва “Народное слово” газеталарининг 15 март кунги сонида эълон қилинди. Қонун лойиҳаси 6 бўлим, 155-моддадан иборат. Конституциявий қонун референдум якунлари Марказий сайлов комиссияси томонидан расмий эълон қилинган кундан эътиборан кучга киради.
Изоҳ (0)