Toshkent shahrining Uchtepa tumanidagi 193-o‘rta-maktabda 17-mart kuni daraxt ekish aksiyasi tashkil etildi. Aksiyada jami 25 ta kashtan niholi hamda 25 buta forzitsiya ekildi. Ushbu tashabbus Davlat sertifikatlashtirish va standartlashtirish markazining ijtimoiy ekologik tadbirlar va loyihalarni qo‘llab-quvvatlash, amalga oshirish kompaniyasining bir qismi hisoblanadi.
Aksiya “Yashil makon” umummilliy loyihasini qo'llab-quvvatlash, tabiiy resurslarni saqlash va ko'paytirish, ekologik xilma-xillikni ta'minlashga qaratilgan. Tadbirda Markaz xodimlari, maktab ma'muriyati va eko-volonterlar ishtirok etishdi.
“Green Standard” brendi ostida Davlat ekologik sertifikatlashtirish va standartlashtirish markazi jamoatchilikni ekologik tashabbuslarga jalb qilish muhimligini tan oladi va odamlarni kundalik hayotda ekologik ongli qarorlar qabul qilishga chorlaydi. Ekilgan daraxtlar nafaqat hududning estetik qiymatini yaxshilaydi, balki karbonat angidrid chiqindilarini kamaytirish, havo sifatini yaxshilash va tuproq eroziyasini oldini olish kabi ko'plab ekologik foyda keltiradi, deydi tashkilotchilar.
“Daryo” fotomuxbiri ushbu aksiya jarayonidan fotoreportaj tayyorladi.
Izoh (0)