Тошкент шаҳрининг Учтепа туманидаги 193-ўрта-мактабда 17 март куни дарахт экиш акцияси ташкил этилди. Акцияда жами 25 та каштан ниҳоли ҳамда 25 бута форзиция экилди. Ушбу ташаббус Давлат сертификатлаштириш ва стандартлаштириш марказининг ижтимоий экологик тадбирлар ва лойиҳаларни қўллаб-қувватлаш, амалга ошириш компаниясининг бир қисми ҳисобланади.
Акция “Яшил макон” умуммиллий лойиҳасини қўллаб-қувватлаш, табиий ресурсларни сақлаш ва кўпайтириш, экологик хилма-хилликни таъминлашга қаратилган. Тадбирда Марказ ходимлари, мактаб маъмурияти ва эко-волонтерлар иштирок этишди.
“Greeн Стандард” бренди остида Давлат экологик сертификатлаштириш ва стандартлаштириш маркази жамоатчиликни экологик ташаббусларга жалб қилиш муҳимлигини тан олади ва одамларни кундалик ҳаётда экологик онгли қарорлар қабул қилишга чорлайди. Экилган дарахтлар нафақат ҳудуднинг эстетик қийматини яхшилайди, балки карбонат ангидрид чиқиндиларини камайтириш, ҳаво сифатини яхшилаш ва тупроқ эрозиясини олдини олиш каби кўплаб экологик фойда келтиради, дейди ташкилотчилар.
“Дарё” фотомухбири ушбу акция жараёнидан фоторепортаж тайёрлади.
Изоҳ (0)