Shavkat Mirziyoyev 17-mart kuni “Davlat boji to‘g‘risidagi O‘zbekiston Respublikasi qonuniga qo‘shimcha kiritish haqida”gi qonunni imzoladi. Bu haqda O‘zA xabar berdi.
Qonunga ko‘ra, endilikda fuqarolar tomonidan davlat organlarining va boshqa tashkilotlarning davlat xizmatlarini ko‘rsatish bilan bog‘liq qarorlari, harakatlari (harakatsizligi) ustidan sudga arizalar (shikoyatlar) berilgan taqdirda, davlat bojini belgilangan stavkaning 50 foizi miqdorida to‘lanadi.
Eslatib o‘tamiz, Senatning o‘ttiz yettinchi yalpi majlisida “Davlat boji to‘g‘risidagi O‘zbekiston Respublikasi qonuniga qo‘shimcha kiritish haqida”gi qonun ko‘rib chiqilgandi. Davlat xizmatlarini ko‘rsatishda jismoniy shaxslarning huquqlari va qonuniy manfaatlarini sud tartibida himoya qilinishini ta’minlash uchun qo‘shimcha shart-sharoitlar yaratish zarurati yuzaga kelayotgani qayd etilgan.
Izoh (0)