Uzbekistan Airways Namangandan Rossiya shaharlariga yangi muntazam parvozlarni yo‘lga qo‘yadi.
Aviakompaniya matbuot xizmati xabariga ko‘ra, “Sharqiy” xabdan parvozlar geografiyasi ham kengaytiriladi. “Sharqiy xab” loyihasi Namangan xalqaro aeroportining Fargona vodiysi aholisi uchun talabgor qatnovlarni yo‘lga qoyish haqidagi taklifi asosida 2022-yilning boshlarida tashkil etilgandi.
Qayd etilishicha, 27-martdan boshlab Namangan—Orenburg—Namangan yo‘nalishi bo‘yicha parvozlar tiklanadi. Parvozlar haftaning dushanba kunlari bo‘lib o‘tadi.
31-martdan boshlab “Sharqiy” xabni rivojlantirish doirasidahar hafta juma kunlari Namangan—Nijnevartovsk—Namangan yo‘nalishi bo‘yicha muntazam reyslar amalga oshiriladi.
Shu sanadan boshlab Namangan—Yekaterinburg—Namangan yo‘nalishidagi bo‘yicha muntazam to‘g‘ridan to‘g‘ri aviaqatnovlar soni ko′payadi. Ushbu yo‘nalish haftasiga ikki marta, dushanba va juma kunlari amalga oshiriladi.
Izoh (0)